Blood Sugar Sex Magik

Blood Sugar Sex Magik
Datos
Tipu	álbum d'estudiu
Distribución	discu compautu
Álbum	Red Hot Chili Peppers' albums in chronological order (en)
Intérprete	Red Hot Chili Peppers
Idioma	inglés
Xéneru	rock alternativu, funk rock (es) y funk metal (es)
Sellu discográficu	Warner Bros. Records
Productor	Rick Rubin
Fecha publicación	24 setiembre 1991

Blood Sugar Sex Magik ye'l quintu álbum d'estudiu de la banda d'Estaos Xuníos de funk rock Red Hot Chili Peppers, llanzáu'l 24 de setiembre de 1991. Producíu por Rick Rubin, foi la primer grabación de la banda llanzada por Warner Bros. Records. Los estilos musicales de Blood Sugar Sex Magik difieren notablemente de les téuniques emplegaes nel álbum anterior de los Chili Peppers, Mother's Milk, y contién un pequeñu usu de riffs de guitarra de heavy metal. El discu incorporó insinuaciones sexuales, referencies a les drogues y a la muerte, y temes como la lluxuria y l'esuberancia.

Blood Sugar Sex Magik vendió más de siete millones de copies solo nos Estaos Xuníos ya introdució a los Chili Peppers a la popularidá mainstream y l'aclamación crítica.^[1] Blood Sugar Sex Magik produció dellos senciellos de la banda, ente los cualos inclúyense «Give It Away», «Under the Bridge», «Suck My Kiss», «Breaking the Girl» y «If You Have to Ask». La grabación tamién marcó la salida del guitarrista John Frusciante en 1992, mientres el tour de la banda, hasta'l so regresu en 1998. Blood Sugar Sex Magik foi emponderáu como'l fundador del rock alternativu nos años 1990, y Steve Huey d'Allmusic comentó que la grabación foi «...probablemente'l meyor álbum que los Chili Peppers van poder faer».^[2] L'álbum foi dedicáu al californianon Mike Watt, cantante, compositor y baxista de punk.^[3] Foi multiplatín en múltiples ocasiones, tuvo nes llistes Billboard mientres catorce meses^[4] y a partir de 1999 pasó a ser el segundu más vendíu de la banda tres Californication.^[5]

1. ↑ «Biografía de Red Hot Chili Peppers (n'inglés)» (inglés). Allmusic. Consultáu'l 22 de xunetu de 2007.
2. ↑ Steve Huey. «Blood Sugar Sex Magik Review». Allmusic. Consultáu'l 21 de xunetu de 2007.
3. ↑ Páxina oficial de Red Hot Chili Peppers, Consultáu'l 10 de xineru de 2008.
4. ↑ Red Hot Chili Peppers - Navegar, Consultáu'l 10 de xineru de 2008.
5. ↑ Red Hot Chili Peppers - Indyrock, Consultáu'l 10 de xineru de 2008.